Hukumar Hisbah ta jihar Katsina ta haramta duk wani aikin gidajen casun Nightclub dare a fadin jihar, ta ce tsarin ya yi daidai da addinin Musulunci.
Babban Kwamandan Hisbah na jihar Dakta Aminu Usman Abu-Ammar ne ya sanar da hakan a wata sanarwa da ya fitar a ranar Laraba.
Ya bayyana cewa dole ne masu gidajen rawa su rufe gidajensu domin dakile munanan dabi’u, da kare mutuncin al’umma, da magance matsalolin tsaro a jihar.
Hukumar ta yi gargadin cewa duk wanda ya karya doka za su fuskanci hukunci mai tsauri.
