Gwamnan jihar Delta, Sheriff Oborevwori, da mataimakinsa, Monday Onyeme, sun fice daga jam’iyyar Peoples Democratic Party wato PDP zuwa jam’iyyar All Progressives Congress ta APC.
Sanata James Manager ne ya sanar da hakan a birnin Asaba jihar Delta, jim kadan bayan wani taro da ya dauki tsawon sa’o’i shida a gidan gwamnati dake Asaba.
Sanata James ya bayyana cewa, dukkanin ‘ya’yan jam’iyyar PDP na jihar da suka hada da gwamna, tsohon gwamna Okowa, shugaban majalisar dokoki, shugaban jam’iyyar na jihar, shugabannin kananan hukumomi da sauran su sun amince su koma APC.
