Tsohon dan takarar shugaban Nijeriya Atiku Abubakar, ya musanta rahotannin da ke cewa ya bai wa wani sojan ruwa, Laftanar Ahmed Yerima, sabuwar motar saboda abinda ya faru tsakanin sa da ministan Abuja, Nyesom Wike.
Mai ba wa Atiku shawara kan harkokin yaɗa labarai, Paul Ibe ne ya fitar da wannan bayani a shafinsa na X a ranar Alhamis, inda ya bayyana rahoton da ke yawo a kafafen sada zumunta a matsayin ƙarya tsantsa da babu hujja a ciki.
Ibe ya ce Atiku bai bai wa Laftanar Ahmed Yerima ko wani mutum motar Toyota SUV ba, saboda haka labarin kirkirarre ne.
