Jam’iyyar APC a jihar Katsina ta yi gargaɗi tare da haramta tallata duk wani mai neman takara ko ɗaga allon hotunan su a lokacin zagayen da Gwamna Radda zai yi na ƙananan hukumomin jihar.
Shugaban jam’iyyar na jihar Katsina Sani JB Daura ta fitar da wannan sanarwa bayan kammala zama da masu ruwa da tsaki na jam’iyyar a Katsina.
Alhaji Sani JB ya ce yanzu ba lokacin siyasa ba ne da za a rika daga allunan talla da hotunan masu neman takara. Ya kara da yin kira ga dukkan wasu masu mukaman gwamnati ko masu neman takara da su kiyaye wannan doka.
Ya ce Gwamnan zai yi zagaye ne don duba irin ci gaba da aka samar da karin korafe-korafen jama’a domin a lalubo hanyoyin warware su.
