Home Sabon Labari An kama masu dirawa gidajen mutane a Adamawa

An kama masu dirawa gidajen mutane a Adamawa

162
0
Adamawa Suspected Robbers

Rundunar ‘yansandan jihar Adamawa ta ce ta yi nasarar kama mutane hudu da ake zargi da bi gida-gida suna fashi da makami a jihar.

A cikin wata takarda daga mai magana da yawun rundunar ‘yansandan jihar Sulaiman Yahaya Nguroje, wace DCL Hausa ta karanta rundunar ta ce an kama wadanda ake zargin ne a yankin karamar hukumar Girei ta jihar.

Takardar ta ce matasan masu shekaru 21, 23, 22 da 23 na harar mutane a cikin gida a yankin Sangere Futy inda suke amfani da muggan makamai a wajen gudanar da ayyukan nasu.

Nguroje yace an kwato wayoyin hannu, layukan waya, kwanfitoci da na’urar sanyaya daki ta “AC” sannan za a gurfanar da su gaban kulya don girbar abin da suka shuka.

 

Labarai masu alaka:

‘Yansanda sun bindige dan fashi da makami a Katsina

Maigadi ya yi hayar ‘yan daba don yi wa maigidansa sata

 

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply