Home Sabon Labari An sake kai wa tawagar Zulum hari a Baga a karo na...

An sake kai wa tawagar Zulum hari a Baga a karo na hudu

426
0

‘Yan bindiga da ba a san ko su wanene ba sun sake kai wa ayarin Gwamnan jihar Borno Babagana Zulum hari a kokarinsa na shiga duba ’yan gudun hijira a Baga.

Bayanan da DCL Hausa ta tattaro na nuna cewa a Asabar din nan, da dagawar hantsi aka kaddamar da harin a dai-dai kauyen da ake kira Kwayamti da ke da nisan kilomita 60 daga Maiduguri. Sai dai kuma rashin sabis na salula a wurin ya hana fitar labarin har sai a daren Asabar wayewar garin Lahadin nan.

A sakamakon harin dai sojoji bakwai sun rasa rayukansu, ya yin da dan sintiri na civilian JTF guda daya shi ma ya sadaukar da rayuwarsa.

Labarai Masu Alaka: Boko Haram ta sake kai wa tawagar Zulum hari

“Muna rokon a gayyato sojin Chadi su yaki Boko Haram” – Zulum

Boko Haram: Gwamna Zulum ya tsallake rijiya da baya

DCL Hausa ta rawaito cewa dai babu wani abu da ya samu Gwamna Zulum domin tun farko shi an dauke shi a jirgin sama zuwa Baga.

Wannan shi ne karo na hudu a cikin wannan shekarar da ‘yan bindiga da ake kyautata zaton ‘yan Boko Haram ne ke kai wa ayarin gwamna Zulum hari a duk lokacin da ya yi yunkurin shiga garin Baga domin duba yanayin tsaro da kuma ‘yan gudun hijira a garin da ke dab da tafkin Chadi. Sai dai har yanzu Boko Haram ba ta fito ta dauki alhakin kai harin ba.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply