Home Labarai DA DUMI DUMINSA: EFCC ta dira gidan Abdul Aziz Yari Tsohon Gwamnan...

DA DUMI DUMINSA: EFCC ta dira gidan Abdul Aziz Yari Tsohon Gwamnan Zamfara

68
1

Daga Mu’awiyya Abubakar Saddiq

 

Bayanan da wakilinmu ya tattaro sun nuna cewa jami’an hukumar EFCC mai yaki da cin hanci da hana karya tattalin arzikin kasa a Nijeriya sun mamaye gidan tsohon gwamna Abdul Aziz Yari da ke a mahaifarsa a garin Talatar-Mafara a jihar Zamfara.

Jami’an EFCC a gidan Yari na Talatan Mafara

Wani mazaunin kusa da gidansa wanda ya dauki hotunan ya tura wa wakilinmu ya shaidawa DCL Hausa cewa jami’an EFCC sun isa gidan tsohon gwamnan tun bayan magaribar ranar Lahadi.

Gidan Tsohon Gwamnan a daren lahadin nan

Jami’an dauke da cikakkun kayan su na aiki sun yi rashin sa’a domin bayanai sun nuna cewa ba su iske tsohon gwamnan ba.

Kusa da gidan Yari inda aka kai samame

A gefe guda a yayinda ayarin EFCC ya yiwa gidan Abdul Aziz Yari kawanya, wasu matasa sun fito suna yiwa jami’an ihu, abin da ya kai ga jami’an EFCC din harba bindiga a sama don su tarwatsa su.

 

Zargin Almundahana

 

Kawo yanzu dai jamian EFCCin ba su kai ga sun yi bayanin abin da ya kai su gidan tsohon gwamnan ba, amma a watan Yuni na wannan shekarar shugaban kwamitin karbar gwamnati  Alhaji Ibrahim Wakkala ya yi zargin cewa Abdul Aziz Yari ya kwashe kudin jama’ar jihar Zamfara sama da Naira Bilyan 250 ba tare da yayi aikin komi ba. A baya an  zargi hukumar EFCC da kin waiwayar wannan zargi. Sai kuma ga shi yanzu kwatsam an gansu a gidan tsohon gwamnan.

Ziyarci shafin Facebook na DCL Hausa
Ziyarci shafin Facebook na DCL Hausa
 

1 COMMENT

  1. Gabadai-gabadai EFCC aikinku na kyau sosai, Allah ya baku sa’ar kwato kudin al-umma hannun barayin Gwamnati.

Leave a Reply