Home Sabon Labari Gwamna  Elrufai zai fara biyan sabon albashi na N30,000 a watan gobe

Gwamna  Elrufai zai fara biyan sabon albashi na N30,000 a watan gobe

76
0

Zaharaddeen Umar

 

A cikin wata sanarwa da Muyiwa Adekeye mai ba gwamnan jihar Kaduna shawara akan sadarwa ya fitar a ranar litinin din nan ya ce gwamnatin jihar Kaduna za ta fara biyan sabon albashi na Naira 30,000 daga ranar 1  watan Satumba.

Sanarwar ta ce wannan mataki ya biyo bayan matsayar da majalisar zartarwar jihar ta cimma a taron da aka gudanar a yau litinin.

Gwamnatin ta ce aiwatar da sabon albashin zai lakume kusan karin kudi Naira Bilyan Daya a kowane wata. Ta ce karin zai mayar da kudin da za su ke kashewa kan albashi a wata-wata zuwa Bilyan 3.759 daga Bilyan 2.827 da suke kashewa a baya.

Gwamnatin Elrufai ta ce aiwatar da karin albashin na nufin kudin gwamnati za su rika sulalewa zuwa wurin biyan albashi, duk da cewa jama’a na da  bukatar a yi musu ayyukan raya kasa.  A saboda haka gwamnatin ta ce za ta kara hanyoyin samun kudin shiga (haraji) don aiwatar da tsarin.

Tun a farkon wannan shekarar gwamnatin Nijeriya ta amince da sabon albashi wanda ya tanadi Naira 30,000 matsayin karancin albashin da za a ba kowane maaikaci a kasar, amma kuma ita kanta gwamnatin tarayya har yanzu ta gaza aiwatar da tsarin. Sai kuma ga shi yanzu gwamna Elrufai ya ce shi zai fara biyan maaikata wannan albashi

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply