Home Sabon Labari Ighalo ya tsawaita zaman sa a Man United zuwa 2021

Ighalo ya tsawaita zaman sa a Man United zuwa 2021

97
0

Manchester United sun bada sanarwar tsawaita zaman aron da dan wasan gaban Nijeriya Odion Ighalo ke yi a kungiyar.

A ranar Litinin ne United ta sanar da tsawaita yarjejeniyar a shafin ta na intanet.

Sanarwar ta ce kungiyar ta cimma yarjejeniya da kungiyar Shanghai Greenland Shenhua don tsawaita zaman Ighalo a kungiyar.

Zaman Ighalo a United dai yak are ne a ranar 31 ga watan Mayu, saidai yanzu zai kasance a kungiyar har zuwa ranar 31 ga watan Janairun 2021 domin kara kafuwa kan kyakkyawar shigar da ya yiwa kungiyar da yake goyon baya tun a yarintar sa.

Ighalo dai ya ci kwallaye hudu a wasanni 8 da ya bugawa United.

Kungiyar ta kara da cewa tabbacin zaman Ighalon wata dama ce da Ole Gunnar Solskjaer zai kara karfafa ‘yan wasan da a daidai lokacin da wasanni za su dawo a Ingila.

Duk da cewa dai har yanzu Ighalo bai ce komai kan tsawaita zaman sa a United ba, amma dai ya rubuta a shafin sa na Twitter yana taya murnar shigowar watan Yuni a ranar Litinin.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply