Home Labarai Jami’an Hisbah sun lalata kiret 260 na giya a Bauchi

Jami’an Hisbah sun lalata kiret 260 na giya a Bauchi

33
0

Hukumar Hisbah ta jihar Bauchi ta kwace kiret 260 na giya daga otal da gidajen casu a yunkurinta na ganin ta tsaida shari’a a jihar.

Kwamishinan kula da gudanar da Hisbah da Shari’a Malam Aminu Balarabe ya bayyana hakan yayin da yake nuna kayan ga ƴanjarida a garin Bauchi a ranar Talatar yau.

Ya bayyana cewa sun kama 216 ne a karamar hukumar Misau, 44 kuma a wani gidan giya dake cikin garin Bauchi da wasu kuma a kusa da Dass.

Ya kuma shaida cewa hukumar tasa ba ta buƙatar izinin kotu wajen lalata kayan kamar yadda dokar 2003 ta hana sha ko fataucin kayan maye a jihar ta tanadar.

Majiyar DCL Hausa ta shaida cewa a ƴan kwanakin baya hukumar ta Hisbah ta kama wasu matasa da suka shirya casun tsiraici a karamar hukumar Tafawa Balewa.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply