Home Addini Kano: An kama dan Hisbah da matar aure a dakin otal

Kano: An kama dan Hisbah da matar aure a dakin otal

51
0

Hukumar Hisbah ta jihar Kano ta kafa wani kwamiti na mutane biyar da zai binciki daya daga cikin jami’anta, da ake zarginsa da yin mu’amala tare da matar aure a dakin otal.

Babban kwamandan Hisbah na jihar, Ustaz Haruna Ibn-Sina, ya tabbatar da cewa an ba kwamitin wa’adin kwanaki 3 da ya binciki lamarin.

“Na kafa kwamitin bincike kuma na ba shi wa’adin kwanaki 3 ya gabatar da rahotonsa. Na kuma gayyaci duk bangarorin da abin ya shafa su dauki bayanansu” inji Ibn-Sina.

Jami’an ‘yansanda na yankin Noman’s Land ne dai su ka kama Rimo a cikin wani karamin otal a yankin jan wuta a Sabon Gari.

Majiyoyin ‘yansanda sun ce sun dauki matakin ne bisa bayanan sirri da suka samu, sun kuma tabbatar da cewa sun same shi tare da matar a cikin dakin.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply