Home Labarai Rijiya ta cinye yaro ɗan shekara 7 a Kano

Rijiya ta cinye yaro ɗan shekara 7 a Kano

149
0

Hukumar kashe gobara ta Nijeriya reshen jihar Kano, ta ce wani yaro ɗan kimanin shekaru bakwai, da aka bayyana sunansa da Umar Ado, ya mutu sanadiyar faɗa wa wata rijiya a Unguwa Uku layin Yarabawa da ke ƙaramar hukumar Tarauni ta jihar.

Hakan na ƙunshe ne cikin wata sanarwa da jami’in hudɗa da jama’a na hukumar, Alhaji Saidu Mohammed ya fitar a ranar Laraba.

Mohammed ya bayyanawa kamfanin dillancin labarai na Nijeriya NAN, cewa lamarin ya faru ne da yammacin ranar Talata yayin da yaron ya je ɗibar ruwa a rijiyar.

Ya ce “bayan an ciro gawar yaron daga cikin rijiyar sai aka garzaya da shi zuwa asibitin koyar wa na Murtala Muhammad, da ke Kano, inda anan ne aka tabbatar da mutuwarsa”.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply