Home Labarai Taraba: An rufe jami’ar gwamnatin tarayya  sai-baba-ta-gani

Taraba: An rufe jami’ar gwamnatin tarayya  sai-baba-ta-gani

144
0

Daga Abdullahi Garba Jani

 

A ranar Larabar nan, hukumar gudanarwar jami’ar gwamnatin tarayya da ke Wukari jihar Taraba, Nijeriya ta sanar da rufe jami’ar ba tare da bata lokaci ba.

 

Jaridar DAILY NIGERIAN  ta bada rahoton cewa hakan ta faru biyo bayan zargin sacewa da kashe wasu  dalibai da malaman jami’ar ta dalilin rikicin kabilanci tsakanin kabilar Tiv da Jukun.

 

Magatakardar Jami’ar Mr Magaji Gangumi a cikin wata takarda yace hukumar gudanarwar jami’ar ce ta amince da rufe makarantar har zuwalokacin da al’amurra za su daidaita.Ya ce rufe makarantar ya zamo wajibi don ganin yadda dalibai suka barke da zanga-zanga bayan faruwar lamarin.

 

Daga bisani, shugaban jami’ar Farfesa Abubakar Kundiri, ya tabbatar da cewa an samar da tsauraran matakan tsaro don tabbatar da tsaron rayukan ma’aikata da daliban jami’ar, amma dai kowa ya tafi gida har sai al’amurra dun inganta.

 

Jihar Taraba dai na ci gaba da fuskantar rashin tsaro galibi saboda rikicin kabilanci da ke neman daidaita kabilun da suka taba zama a inuwa daya.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply