Home Sabon Labari Taskar Guibi: Labarai da Sharhi A Takaice 02.10.2019

Taskar Guibi: Labarai da Sharhi A Takaice 02.10.2019

77
0

Assalamu alaikum barkanmu da asubahin laraba, uku ga watan Safar, shekarar 1441 bagan hijirar cikamakin annabawa kuma fiyayyen halitta Annabi Muhammad S.A.W. Dai-dai da biyu ga watan Oktoba na 2019.

  1. Yau shugaban kasa Muhammadu Buhari za shi Afirka ta Kudu don ziyara ta yini a kan hantarar da ‘yan can kasar ke yi wa musamman ‘yan Nijeriya.
  2. Fadar shugaban kasa ta ba da tabbacin shugaban kasa Muhammadu Buhari ba zai yi tazarce ko neman tazarce ba, bayan wa’adinsa ya kare.
  3. Shugaban kasa Muhammadu Buhari ya ce ba gudu ba ja da baya a ci gaba da yaki da ‘yan ta’adda da yaki da rashawa, da yaki da masu zambatar jama’a ta intanet, da kashe kudaden da ake samu a ta hanya mai kyau, da kuma sanya kafar wando guda da masu kalamai na haddasa kiyayya. Ya bayyana haka ne a jawabin da ya yi wa al’umar Nijeriya jiya da safe na cika shekara hamsin da tara da samun ‘yancin kan Nijeriya.
  4. An gudanar da faretin bikin samun ‘yancin kai a farfajiyar fadar shugaban kasa da ke Abuja maimakon dandalin Igul/Eagle da aka saba gudanar da bikin. Wasu sun ce an yi hakan ne saboda matsalar tsaro, wasu suka ce an yi hakan ne don rage makudan kudin da za a kashe, ko tsimin kudin bikin maimakon almunbazzarancinsu.

Mu wayi gari lafiya.

Af! Na kuwa ji kwastam na yi wa masu sayar da motoci a jihar Kaduna dirar-mikiya. A kan batun kudaden fito da sauransu.

Is’haq Idris Guibi
Kaduna Nijeriya.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply