Zanga-zanga a garin ‘Yantumaki bayan sace mutane 3

Wasu rahotanni da ke fitowa daga garin ‘Yantumaki karamar hukumar Danmusa jihar Katsina, sun ce wasu mutane da ake zargin ‘yan ta’adda ne sun shiga garin sun yi harbe-harben bindiga har sun tafi da mutane 3.

Wata majiya da ta nemi a sakaya sunanta, ta ce mutanen sun isa garin ne da misalin karfe 1 na dare a ya yi suka shiga gidan Alhaji Mansur Yusuf wanda makwabcin Hakimin garin ne da aka kashe a kwanakin baya, suka yi awon-gaba da shi da ‘yar sa.

Majiyar ta ce wannan lamarin ya harzuka mutanen garin sun fito bakin titi suna zanga-zanga tare da kona tayoyi a kan titi, suna zargin kamar akwai sakacin gwamnati a lamarin.

Har ya zuwa wannan lokacin, rundunar ‘yansandan jihar Katsina ba ta ce uffan ba a kan batun.