Home Kasashen Ketare Zanga-zanga: Amirkawa sun bijirewa dokar hana fita

Zanga-zanga: Amirkawa sun bijirewa dokar hana fita

119
0

Dubunnan jama’a ne suka gudanar da zanga-zangar lumana a fadin Amirka a rana ta takwas bayan mutuwar Afiriken dan Amirkan nan George Floyd a hannun ‘yan sanda.

Daya daga cikin manyan zanga-zangar da aka yi ita ce wadda aka gudanar a garin marigayin na Houston da ke jihar Texas wadda har ‘yan uwan sa suka shiga.

Mutane da dama dai sun ki yin biyayya ga dokar hana fita da aka sanya a birane da dama, biyo bayan rikicin da ya barke da kuma satar shaguna da aka gudanar a daren ranar Litinin.

A tsakiyar Birnin Washington DC ‘yan sanda sun rika harba barkonon tsohuwa har zuwa tsakar dare.

An kuma jige sojoji a kan titunan babban birnin kasar yayin da jirgi mai saukar angulu ya rika shawagi kan masu zanga-zangar da suka doshi fadar White House.

Mutuwar Floyd dai, ta kara ririta wutar nuna bacin rai kan yadda ‘yan sandan Amirka ke kashe bakake da kuma nuna masu kyama.

Ziyarci shafin Facebook na DCL Hausa
Ziyarci shafin Facebook na DCL Hausa
 

Leave a Reply