Shugaban hukumar zana jarabawar gaba da sakandire a Nijeriya Farfesa Ishaq Oloyede ya bayyana cewa sama da yara 11,553 masu kananan shekaru aka yi wa rejistar zana jarabawar JAMB ta shekarar 2025.
Oloyede ya bayyana hakan ne a yayin da yake duba wasu cibiyoyin da ake yi wa dalibai rejista.
A cewar Oloyede, zuwa yanzu dalibai 782,027 ne aka yi wa rejistar zana jarabawar a cikin kwana goma da suka gabata.
