Shigo da abinci na iya lalata fannin noma a Najeriya – AfDB

Shugaban bankin raya kasashen Afirka, Dr Akinwumi Adesina, ya gargadi gwamnatin tarayya kan kudirinta na ba da damar shigo da abinci, ya ce hakan ka iya lalata harkar noma a kasar.

Adesina ya fadi hakan ne a wajen wani taro a Abuja, ya kuma shawarci gwamnatin Najeriya da ta samar da ayyukan yi ta hanyar noma.

Idan za a iya tunawa, a ranar 10 ga Yuli, 2024, Ministan Noma Abubakar Kyari, ya bayyana cewa gwamnatin tarayya za ta dakatar da haraji kan shigo da masara, buhunan shinkafa da alkama na tsawon kwanaki 150.