Matsalar rashin aikin yi a Birtaniya ta kai matsayi mafi tsanani tun watan Agustan shekarar 2021, a cewar bayanan hukuma da aka fitar, yayin da kamfanoni ke fuskantar karin haraji daga gwamnati da kuma harajin fito da kaya daga Amurka.
Ofishin kididdiga na kasa ONS ya bayyana cewa adadin marasa aikin yi ya karu zuwa kashi 4.5% a watanni uku na farko na shekara.
Wannan ya karu daga kashi 4.4% da aka samu a watannin uku da suka kare zuwa karshen Fabrairu, in ji ONS.
Bayanan sun shafi lokacin kafin a fara aiwatar da karin harajin kasuwanci da aka sanar a kasafin kudin farko na gwamnatin jam’iyyar Labour a watan Oktoba.
Haka nan kuma, bayanan sun riga lokacin da Shugaban Amurka Donald Trump ya kakaba harajin kashi 10% kan kaya daga Birtaniya da wasu kasashe a bara.
