DCL Hausa Radio
Kaitsaye

Natasha ta sake shan alwashin komawa majalisar dattawa a ranar Talata

-

Sanata Natasha Akpoti-Uduaghan, ‘yar Majalisar Dattawa daga jihar Kogi da aka dakatar, ta shigar da ƙara ga Majalisar Dattawa tana neman su girmama hukuncin Babbar Kotun Tarayya da ta bayyana dakatarwar wata shida da aka yi mata a matsayin wuce gona da iri.

Kotun, a hukuncin da ta yanke a ranar 4 ga Yuli, ta umurci majalisar da ta duba yiwuwar dawo da sanatar kan kujerarta, tana mai cewa dakatarwar ta sabawa kundin tsarin mulki da kuma ‘yancin wakilcin jama’arta.

A cikin wata wasiƙa mai kwanan wata 11 ga Yuli, 2025, da lauyoyinta na M.J. Numa & Partners LLP suka tura wa majalisar, Sanata Natasha ta bukaci a cika duka sharuddan hukuncin da Mai Shari’a Binta Nyako ta yanke.

Ta kuma bayyana shirinta na komawa bakin aiki ranar Talata, 15 ga Yuli, 2025, tana mai cewa dakatarwar ta sabawa tsarin mulkin ƙasa.

Ukashatu Ibrahim Wakili
Ukashatu Ibrahim Wakilihttp://dclhausa.com
Ukashatu Wakili shi ne Mataimakin Editan Gudanarwa kuma Mai Kula da Shirin Koyon Sanin Makamar Aiki na DCL Hausa. A matsayinsa na ƙwararren ɗan jarida yana tsara ayyukan rediyo da kafafen sada zumunta, fassarar labarai, da tabbatar da sahihancin bayanai. Yana jagorantar shirin horaswa ga masu koyon aiki tare da kula da ingancin rubuce-rubuce da shirye-shiryen gidan jaridar.

LEAVE A REPLY

Please enter your comment!
Please enter your name here

Sabbin Labarai

Rigimar Naira 8,000 ta janyo ajalin wani dan tireda a kasuwar Lagos

Ƙarin bayani ya fito kan rikicin da ya yi sanadiyyar mutuwar wani ɗan kasuwa, Sodiq Ibrahim, a yankin Mandillas na tsibirin Lagos a ranar Laraba. Binciken...

Trump ya soke tallafin ketare na dala biliyan 5 a kasafin kudin Amurka

Shugaban Amurka, Donald Trump, ya ɗauki matakin dakatar da dala biliyan 5 na tallafin ƙasashen waje da majalisar dokokin ƙasar ta riga ta amince da...

Mafi Shahara