Shugaban gidauniyar Bill da Melinda Gates Mark Suzman, ya ce za a kwashi shekaru masu tsawo kafin a kawo karshen talauci da kuma cutar maleriya a kasar.
Da yake jawabi ga ‘The Cable’ a birnin New York na Amurka, Suzman ya ce duk da cewa gwamnatin Najeriya tana daukar matakai wajen inganta bangaren kiwon lafiya, akwai babban aiki a gabanta.
A cewar sa, matsalar yawaitar rashin lafiya a tsakanin ‘yan kasa na taka mummunar rawa wajen dakile bunkasar tattalin arziki, kamar yadda jaridar punch ta ruwaito.
