Gwamnatin Nijeriya ta tara sama da Naira tiriliyan 8 daga harajin VAT da kuma aika kuɗi ta banki a tsakanin watan Janairu zuwa Nuwamban 2025 kamar yadda asusunta nuna.
Binciken jaridar Daily Trust ya nuna cewa an tattara Naira tiriliyan 7.69 daga harajin VAT, yayin da Naira biliyan 403.68 suka fito daga aika kudade ta banki da ‘yan kasa suka yi.
Gwamnati ta tattara Naira biliyan 771.86 a watan Janairu, amma kudin ya ragu zuwa Naira biliyan 654.45 a Fabrairu, sannan ya ƙara raguwa zuwa Naira biliyan 637.61 a watan Maris.
A watan Afrilu kudin ya ƙaru kadan zuwa Naira biliyan 642.26, sannan ya tashi zuwa Naira biliyan 742.82 a watan Mayu na shekarar ta 2025.
