Shugaban Amurka, Donald Trump, ya bayyana cewa ƙasar Venezuela za ta riƙa sayen kayayyakin da aka ƙera a Amurka kaɗai, ta hanyar kuɗaɗen da take samu daga yarjejeniyar man fetur da Amurka.
Trump ya bayyana haka ne a wani saƙo da ya wallafa a shafinsa na Truth Social ranar Laraba, 8 ga Janairu, 2026, inda ya ce Venezuela za ta ɗauki Amurka a matsayin babban abokiyar hulɗar kasuwancinta, yana mai cewa wannan zai taimaki al’ummar Venezuela.
A cewarsa, kayayyakin da Venezuela za ta rika saye sun haɗa da amfanin gona na Amurka, da magunguna, na’urorin kiwon lafiya, da kuma kayan aikin wutar lantarki da cibiyoyin makamashi domin inganta tsarin wutar ƙasar.
