Tsohon shugaban kasar Amurka Barack Obama ya yi tir da yadda aka yi amfani da hoton sa da matarsa, Michelle Obama, a wani bidiyo da Donald Trump ya wallafa a shafinsa na sada zumunta inda aka nuna su a matsayin birrai.
Bidiyon wanda aka riga aka goge daga asusun Trump, ya yi kaurin suna ne bayan ya hada hoton iyalan Obama da wani bidiyo mai ƙaryataccen zargi kan zaɓen 2020. Trump ya ce bai ga bangaren da ya saba wa ɗabi’a ba kuma bai yi nadama ba.
Bidiyon ya jawo suka daga bangarori daban-daban na siyasa, inda ake kallon sa a matsayin abin zargi da rashin mutunci, musamman tun da hoton ya yi amfani da tsohuwar ƙiyayya ta nuna bakaken fata a matsayin birrai.
