Matatar mai ta Dangote ta kara farashin fetur daga matatar (ex-depot) zuwa N1,175 kan kowace lita, bayan rage shi zuwa naira 1,075 a farkon makon nan.
Rahotanni sun ce karin farashin ya biyo bayan tashin farashin danyen mai a kasuwannin duniya, inda farashin Brent crude oil ya tashi daga kusan dala 91 zuwa sama da dala 100 kan kowace ganga.
Sauyin farashin ya sa wasu masu rumbunan mai dakatar da saye da sayarwa na dan lokaci domin tantance sabon tsarin farashin, yayin da tashin farashin danyen mai ke da nasaba da rikicin da ke tsakanin Amurka, Iran da Isra’ila.
