Shirin gina sabon filin wasan Manchester United mai kujeru 100,000 na fuskantar matsala bayan da aka samu tangarda wajen mallakar wani fili da ke kusa da Old Trafford.
Jaridar The Sun ta bayyana cewa an sanar da shirin gina sabon filin wasan a bara kan kudin da ya kai kusan fam biliyan biyu £2bn, amma batun mallakar filin da ake bukata ya zama babban cikas ga fara aikin.
Majiyoyi sun ce attajirin dan kasuwa Jim Ratcliffe na iya bukatar karin kusan fam biliyan daya £1bn, domin daƙile jinkirin da ake fuskanta.
Kungiyar ta bayar da kusan fam miliyan 50 domin sayen filin, amma kamfanin Freightliner Group, wanda ke da filin, yana kimanta darajarsa zuwa kusan fam miliyan 400.
