Matatar Dangote ta dakatar da sayar da man fetur kai tsaye ga ‘yan kasuwar da basu da rijista daga ranar Alhamis, 18 ga Satumba, 2025.
Wannan sanarwar ta fito ne daga sashen gudanarwar kasuwanci na kamfanin, kamar yadda jaridar Punch ta ruwaito.
Matatar ta Dangote ta ce matakin ya yi daidai da shirin su na Free Delivery Scheme, wato kai man kai tsaye zuwa tashoshin sayarwa, tare da hana dillalai marasa rijista cinikin kai tsaye ko kuma ta hannun wasu.
Sanarwar ta kuma ja hankalin ‘yan kasuwa cewa duk wani biyan kudi da za a yi bayan ranar 18 ga Satumba ba za a karɓa ba.
