Rundunar ‘yan sandan jihar Delta ta kama wani matashi da ake zargin dan fashins, wanda aka gano ya boye da bindiga a cikin Burodi.
Mai magana da yawun rundunar, SP Bright Edafe, ne ya bayyana hakan a cikin wata sanarwa da aka fitar ranar Asabar a garin Asaba, babban birnin jihar.
Edafe ya ce jami’an sun kama wanda ake zargin, Nnamdi Stanley Chibuike mai shekaru 24, lokacin da suke gudanar da binciken ababen hawa a Koka Roundabout, Asaba, ranar 6 ga Nuwamba, 2025, a cewarsa, an gano bindiga kirar gida a cikin Burodi, kuma an kama wanda ake zargi nan take.
Kwamishinan ‘yan sandan jihar, Abaniwonda Olufemi, ya jinjinawa jami’an bisa wannan nasara, yana mai cewa hakan na nuna yadda rundunar ke ci gaba da gudanar da ayyukanta cikin kwarewa domin dakile laifuka.
