Sufeto janar na ‘yan sandan Nijeriya, Kayode Egbetokun, ya bayyana cewa an kama mutane 53 da ake zargi da hannu a hare-haren da suka yi sanadin mutuwar mutane a jihohin Benue da Filato.
Ya ce an kama mutum 26 dangane da harin Yelewata a Benue, sa’annan sai wasu 22 a Plateau, da kuma karin wasu 5 a Benue.
Harin Yelewata ya yi sanadin salwantar rayukan mutane 47 da raunata 27, yayin da aka kwato bindigogi kirar AK-47 guda 8 da bindigogi nau’in GPMG guda 2.
