Cristiano Ronaldo ya tsawaita kwantiraginsa da kungiyar Al Nassr ta kasar Saudiyya a hukumance, inda zai ci gaba da zama a birnin Riyardh na kasar har zuwa shekarar 2027.
Kungiyar ta bayyana hakan ne a wata sanarwa da ta fitar a ranar Alhamis, inda a hoton Ronaldo yake rike da riga mai lamba “2027” tare da shugaban kungiyar Al Nassr, Abdullah Almajid.
Sanarwar ta tabbatar da cewa Ronaldo, wanda kuma ke rike da mukamin kyaftin din kungiyar, zai ci gaba da aiki tare da Al Nassr na tsawon shekaru biyu.
Ronaldo ya kuma bayyana jin dadinsa a wata sanarwa da ya wallafa a shafinsa na X.
