Bankin raya Afrika ya amince da bashin dala miliyan 46 domin gyaran cibiyoyin lafiya a jihar Sokoto

Bankin Raya Kasashen Afirka ya amince da bayar da bashi na dala miliyan 46 domin tallafa wa shirin gyaran cibiyoyin lafiya a jihar Sokoto.

A cewar wata sanarwa daga bankin da jaridar Punch ta samu a ranar Juma’a, hukumar gudanarwar bankin ta amince da bashin ne domin magance matsalolin da suka dade suna hana samun ingantaccen kulawar lafiya a yankin.

Bankin ya bayyana cewa tsarin lafiya na jihar na fuskantar gagarumin kalubale, inda alamomi da dama ke nuna gazawa wajen inganci da isar da ayyukan lafiya ga al’umma.