Fashewar wata tankar man fetur a cikin gidan mai a Tungan Bunu, karamar hukumar Rijau da ke jihar Neja ta yi sanadiyyar lalata gidaje da dukiyoyi masu tarin yawa a daren Litinin.
Lamarin ya haifar da firgici a yankin, inda mutane suka yi ta gudun ceton rai.
Jaridar Daily Trust, ta rawaito cewa wata majiya ta shaida mata cewa tankar ta iso ne domin sauke mai sai kawai ta kama da wuta, wacce ta fantsama zuwa gidajen dake kusa da su.
Rahoton ya kara da cewa wata tanka ta daban dauke da man fetur ta kife a kan hanyar Lapai zuwa Agaie, lamarin da ya rufe hanyar gaba É—aya tare da haddasa cunkoson ababen hawa.
Mazauna yankin sun bayyana cewa tankar dai ta fito daga Legas zuwa Gombe ne, inda ta kife bayan tankin ya balle daga jikin kan motar.
