Dangote ya sanar da sake rage farashin litar man fetur dinsa da N15

Matatar mai ta Dangote ta sanar da rage farashin man fetur a sassa daban daban na Nijeriya, inda a yanzu haka farashin ya koma tsakanin N875 zuwa N905 kowace lita.

Sabon farashin, ya nuna cewa an rage Naira 15 ga kowace lita, kamar yadda aka wallafa a dandalin sada zumunta na matatar Dangote a ranar Alhamis.

Haka farashin yake a hannun manyan dillalan mai tare da haɗin gwiwar matatar, ciki har da MRS, Ardova, Heyden, Optima Energy, Techno Oil, da Hyde Energy.