Shugaban ƙasar Amurka, Donald Trump, ya sanya sabon haraji na kashi 15 cikin 100 kan shiga da kaya daga Nijeriya da wasu ƙasashen Afirka.
Daga cikin ƙasashen da wannan sabon tsarin harajin ya shafa akwai: Zimbabwe, Zambia, Uganda, Mozambique, Mauritius, Ghana, Malawi, Lesotho, da Madagascar.
A cewar wata sanarwa da Fadar White House ta fitar a ranar Alhamis, sabon harajin yana da nufin gyara tsarin harajin musaya da kuma kare masana’antu da masu ƙerawa na cikin gida a Amurka.
