Shugaba Museveni ya samu damar tsayawa takarar shugabancin Uganda karo na 7

Shugaba Yoweri Museveni ya samu sahalewar hukumar zaben Uganda na tsayawa takarar shugabancin kasar a 2026.

Museveni dan shekaru 81 wanda ya fara mulki tun shekarar 1986, yana neman wa’adi na bakwai a ofishin shugabancin kasar.

Ana sa ran a yau jam’iyyun hamayya za su gabatar da sunayen wadanda suka zaba domin karawa da shugaba Museveni ga hukumar zaben kasar.