Wata kotu a karamar hukumar Shelleng ta jihar Adamawa ta yanke wa wani matashi mai shekaru 31, Iliya Abdullahi hukuncin daurin shekara ɗaya a gidan yari saboda satar mudu ɗaya na wake.
Jaridar Daily Trust ta ruwaito cewa an taɓa kama Abdullahi a baya, aka gurfanar da shi a gaban Kotun Shelleng 2, inda aka yanke masa hukuncin shekaru biyu a bisa laifin da ya aikata, bisa tanadin Sashe na 277 na Dokar Penal Code.
