Wata babbar kotun tarayya da ke Legas da Yola a jihar Adamawa ta yanke wa Shuaibu Nuhu Isa da Zidon Zurga hukuncin daurin shekaru 95 a gidan yari, bisa samun su da laifin safarar hodar iblis ta sama da Naira biliyan 4.6.
Jami’an hukumar hana sha da fataucin miyagun kwayoyi ta kasa NDLEA ne suka kama Ogbuji a filin jirgin sama na Murtala Muhammed International Airport da ke Legas a ranar Laraba 18 ga watan Satumba, 2024, a lokacin da yake kokarin sauka jirgin Ethiopian Airline daga Addis Ababa zuwa Legas, inda ya shigo da kulli 817 na hodar iblis mai nauyin kilogiram 19.40 na kimanin naira biliyan 4.
Wannan na zuwa ne watanni 16 bayan kama dan kasuwar mai shekaru 48 kuma aka yanke masa hukunci bisa laifin safarar hodar iblis.
An fara kama shi ne a filin jirgin sama na Nnamdi Azikiwe, da ke Abuja, ranar Laraba, 10 ga watan Mayu, 2023, bayan ya taso daga Uganda a cikin jirgin Ethiopian Airlines ET 951, da kullin hodar iblis 93 mai nauyin kilogiram 1.986.
Daga nan ne aka gurfanar da shi a gaban mai shari’a Mobolaji Olajuwon na babbar kotun tarayya da ke Abuja, kuma aka yanke masa hukunci a ranar 13 ga Yuli, 2023.
