Kyaftin din Liverpool Virgil van Dijk ya rattaba hannu kan sabon kwantiragi na tsawon shekaru biyu wanda a yanzu ya kawo karshen tambayoyi game da makomarsa bayan shafe watanni ana rade-radin cewa ko bazai ci gaba da zama a Liverpool ba.
Dan wasan dan kasar Holland mai shekaru 33, tsohon kwantiragin na sa zai kare a karshen kakar wasa ta 2025.
Van Dijk, wanda aka nada shi matsayin kyaftin din Liverpool lokacin da Jordan Henderson ya koma Saudiyya a shekarar 2023, ya buga wa Liverpool kusan wasanni 300.
