Gwamnan Jihar Bayelsa, Douye Diri, ya karyata rade-radin cewa yana shirin ficewa daga jam’iyyar PDP zuwa APC.
Jaridar the Nation ta ruwaito Diri ya ce wannan rade-radin ya samo asali ne daga maganganun Ministan Ayyuka, David Umahi.
Wanda ya bayyana hakan ne a gidansa da ke Sampou, yayin da ya karɓi baƙuncin dan majalisa mai wakiltar mazabar kudancin Ijaw, Rodney Ambaiowei, da wasu jiga-jigan siyasa.
Gwamnan ya ce bai damu da jita-jitar ba kuma hakan ba zai dagula masa lissafi ba, inda ya ce halartar taron kaddamar da wani ɓangare na titin ruwan teku na Lagos-Calabar ne ya janyo zargin.
