Magoya bayan kasar Senegal guda 18, da aka tsare a Morocco bisa zargin tayar da tarzoma yayin wasan karshe na AFCON da aka yi a watan da ya gabata, sun fara yajin cin abinci gabanin shari’arsu, a cewar lauyansu.

Lauya Patrick Kabou ya shaida wa kamfanin dillancin labarai na AFP a ranar Juma’a cewa mutanen sun shafe lokaci tun 18 ga Janairu ba tare da an bayyana musu tuhume-tuhumen da ake yi musu ba, ranar da aka kama su bayan rikicin da ya biyo bayan wasan karshe da Senegal ta doke Morocco.

Kabo ya ce wadanda ake tsare da su sun koka da cewa ‘yan sanda sun yi musu tambayoyi da harshen Faransanci da Larabci, alhali harshen da suka iya shi ne Wolof, wanda shi ne yaren gargajiyarsu.

Kwamitin gudanarwa na jam’iyyar PDP da ke karkashin jagorancin Tanimu Turaki, ya bayyana cewa Hukumar zaben Nijeriya INEC, ba ta da hurumin zaɓar shugabanci ko tsoma baki a harkokin cikin gida na jam’iyyar.

Sakataren yada labarai na kasa na PDP, Ini Ememobong, ne ya bayyana hakan yayin martani kan taron da INEC ta yi da jam’iyyun siyasa, wanda kwamitin rikon kwarya da Abdulrahman Mohammed ke jagoranta ya halarta a madadin PDP.

Ememobong ya ce duk da cewa INEC ta gayyaci shugabannin jam’iyyu, gayyatar wasu tsofaffin ‘ya’yan PDP da ke ikirarin jagorantar wani kwamitin rikon kwarya ya sabawa kundin tsarin mulkin jam’iyyar, domin babu irin wannan tanadi a cikinsa.

Shugaban Amurka, Donald Trump, ya bayyana cewa ’yan ta’adda sun san abin da zai same su duk lokacin da suka kai hari kan Kiristoci, yana mai cewa ba za a lamunci irin wadannan hare-hare ba.

Trump ya fadi hakan ne yayin wani jawabi da ya yi, inda ya bayyana matakan da gwamnatinsa ta dauka na kai hari kan kungiyoyin ta’addanci, musamman ISIS, ciki har a Nijeriya da sauran sassan Afirka.

Ya ce a karkashin gwamnatinsa, Amurka ta dauki tsauraran matakai na soja da na tsaro domin raunana ISIS da sauran kungiyoyin ‘yan ta’adda, tare da aikewa da sako karara cewa duk wanda ya kai hari kan fararen hula, musamman wanda ke da alaka da addini, zai fuskanci sakamako mai tsanani.

Babbar Kotun Babban Birnin Tarayya (FCT) da ke Abuja, ta yi barazanar soke belin tsohon shugaban kwamitin garambawul a harkar fansho na ƙasa, Abdulrasheed Maina, bisa zargin yin dabaru daban-daban domin jinkirta shari’arsa.

Alƙali Abubakar Kutigi ya nuna ɓacin rai ne yayin zaman kotu da aka gudanar Alhamis, 5 ga Fabrairu, 2026, bayan lauyan Maina ya gabatar da takardar tura shi asibiti tare da neman dage shari’a, duk da cewa takardar ba ta nuna wata babbar rashin lafiya ba, kamar yadda shafin hukumar EFCC ya ruwaito.

Alƙalin ya ce shari’ar ta yi shekaru huɗu ana jan ƙafa, sakamakon abin da ya kira dabarun Maina na jinkirta shari’a, inda ya bayyana cewa Maina bai halarci kotu ba tun shekaru huɗu da suka gabata.

Hukumar Yaki da Cin Hanci da Rashawa ta EFCC, a yau Alhamis 5 ga Fabrairu, 2026, ta samu nasara a kotu, inda aka yanke wa Robert Orya, tsohon Darakta Janar na Bankin Shigo da Fitar da Kaya na Nijeriya (NEXIM) daga shekarar 2011 zuwa 2016, hukuncin daurin kurkuku kan laifin zamba ta kusan Naira biliyan 2.4.

EFCC, wadda lauya Samuel Ugwuegbulam ya wakilta wajen shari’ar, ta gurfanar da Orya a gaban Mai shari’a F.E. Messiri na Babbar Kotun Babban Birnin Tarayya (FCT), Abuja.

Kotun ta same shi da laifi a kan tuhume-tuhume guda 49, tare da yanke masa hukuncin daurin shekaru 10 a kowane tuhuma, wanda jimillarsu ta kai shekaru 490 a gidan yari.

Shugaban Nijeriya Bola Tinubu ya ba da umarnin girke dakarun soji a Kwara bayan harin da ya hallaka mutane da dama a jihar.

Cikin wata sanarwa da mai magana da yawunsa Bayo Onanuga ya fitar, ya ce an girke dakarun ne domin zakulo wadanda suka kai harin, tare da hana afkuwar irin sa a nan gaba.

Kazalika ya nuna damuwa tare da yin Ala wadai da abin da ya kira ‘mummunan hari’ kan al’umma, baya ga bayyana maharan a matsayin marasa imani.

Harin da aka kai garin Woro a jihar ta Kwara, ya zo ne bayan wani sumame da sojoji suka kai a yankin cikin makon da ya gabata.

Tuni dai Gwamnan jihar Abdulrahman Abdulrazaq ya sha alwashin daukar matakin da zai kawo karshen ayyukan ta’addanci musamman a kan iyakokin Kwara da Neja.