Majalisar dattawan Nijeriya ta amince da kudirori 25 a cikin shekara 1

Majalisar dattawa ta amince da 25 daga cikin kudirori 447 da aka gabatar a zaurenta tun bayan kaddamar da majalisar dattawan ta 10 a shekarar 2023.

Sanata Opeyemi Bamidele, ne ya bayyana hakan a ranar alhamis a Abuja, inda ya ce majalisar ta amince da kudurori 115.

Haka zalika kudurorin 25 da aka amince da su gaba daya zuwa doka, idan aka kwatanta, sun kai kashi 5.24 cikin 100 na dukkan kudurorin da aka gabatar a cikin wa’adin shekarar

A cewarsa, baya ga cikakkun dokoki guda 25 da aka samar, an karanta kasa da kudurori 275 wanda yayi dai dai da kusan kashi 57.65 a karon farko cikin shekarar.

Kungiyar kananan hukumomi tace ba za ta iya biyan dubu N62,000 a matsayin mafi karancin albashi ba.

Kungiyar Kananan hukumomin Nijeriya (ALGON) ta ce kananan hukumomin kasar ba za su iya biyan mafi karancin albashin da kungiyar kwadagon ke nema ba.

Shugaban kungiyar na kasa, Aminu Muazu-Maifata, ne ya bayyana hakan a wata hira da yayi da gidan talabijin na Channels Television.

Ya ce da kason da ake samu daga asusun gwamnatin tarayya, babu wata karamar hukuma da za ta iya biyan ma’aikata mafi karancin albashi na ₦62,000 da gwamnatin tarayya ke yi balle ma kungiyar kwadagon ta bukaci ₦250,000.

Muazu-Maifata ya ce wasu kananan hukumomin ba su fara biyan ma’aikatan su dubu ₦30,000 da aka amince a matsayin mafi karancin albashi tun a shekarar 2019 ba, kananan hukumomi da dama har yanzu ana biyan ma’aikata ₦18,000 a mafi karancin albashin.

Haka zaka sanya mafi karancin albashi mai yawa haka ba wani abu bane da zai dore domin da dama zai yi musu wahalar biya .

‘Yan sanda sun yi nasarar cafke wasu mutane uku da ake zarginsu da kai wa yan bindiga makamai da alburusai a dazukan jihar Katsina

Rundunar ‘yan sandan jihar Katsina ta kama wasu mutane uku da ake zargin suna kaiwa ‘yan bindiga makami makamai da alburusai a dajin Katsina.

Wadanda ake zargin su ne sun hada da Haladu Isah na kauyen Tsaskiya, karamar hukumar Safana, Abubakar Ahmed  Sha’iskawa, Barhim, Katsina; da Adamu Musa Ba’ude a Jamhuriyar Nijar.

a cewar kakakin rundunar ‘yan sandan Katsina, Abubakar Sadiq, kamen ya biyo bayan bayanan da aka samu a ranar 6 ga Afrilu, 2024, a ofishin ‘yan sanda da ke Kaita kan munanan ayyukan mutanen uku.

A wata sanarwa da ya fitar ya ce cikin gaggawar ‘yan sanda sun kai dauki tare da samun nasarar gano wadanda ake zargin tare da cafke su a hanyar Dankama a karamar hukumar Kaita.

an gano wadan da ake zargin a hannunsu da kudi naira miliyan daya da dubu dari biyu da uku (N1,203,000.00k) da ake zargin na alburusai ne

Kotun tarayya ta sake saka ranar da za ta cigaba da sauraren karar da aka shigar da shugaban jam’iyyar APC na kasa Abdullahi Ganduje 

Sarkin Kano na 15, Alhaji Aminu Ado Bayero, ya buƙaci kwamishinan ‘yan sandan jihar da ya samar da tsaro na musamman gabanin bukukuwan Sallah Babba.

Bukatar hakan na kunshe ne a cikin wata wasika da ya aike ma kwamishinan yan sandan jihar, mai dauke da kwanan watan 10 ga Yuni 2024.

A cewar wasikar Sarkin ya gode wa ‘yan sanda kan tabbatar da zaman lafiya a jihar biyo bayan rikicin da ya biyo bayan dawo da Sarki Sanusi Lamido kan karagar mulki.

Sarkin kano na 15 Alhaji Aminu Ado Bayero ya umarci hakimai da su shigo Kano ranar asabar domin shirye-shiryen gudanar da Hawan Sallah.

Hakan na kunshe ne cikin wata sanarwa da Galadiman Kano Alhaji Abbas Sanusi ya sanyawa hannu kuma aka turawa hakimai.

Sanarwar ta umarci hakimai da su tabbata sun Isa fadar sarkin dake gidan sarki na Nasarawa a ranar asabar mai zuwa domin gudanar da taron da za a sanar da su yadda hawan sallar zai kasance.

Takardar mai dauke da kwanan wata 10 ga watan yuni 2024, Wanda ya yi dai-dai da 4 ga watan zul-hijja 1445 bayan hijira, tace tun masarautar Kanon ta sanar da shugabannin kananan hukumomin jihar kano yadda zasu taimakawa hakiman don gudanar da bikin sallah babbar cikin lumana.

Mahajjaciya daga jihar Borno ta haihu a wani asibiti da ke birnin Makka

Wata Hajiya ‘yar shekara 30 ta haifi da namiji a wani asibitin kasar Saudiyya dake birnin Makkah.

A cewar kamfanin dillancin labarai na Saudiyya SPA, mahajjaciyar ta isa dakin gaggawa na Asibitin ne bayan ta yi fama da ciwon nakuda.

Nan take jami’an agajin suka duba halin da take ciki sannan suka kaita dakin haihuwa, inda ta haifi yaron nan take.

Yayin da mahaifiyar ke samun sauki, jaririn mai suna Mohammad yana samun kulawa ta musamman, a cikin asibtin.

Kamar yadda jaridar Saudi Gazzet ta ruwaito, wannan shine karo na farko da mahajjaciya ta haihu a lokacin Hajjin shekarar 2024.

A halin da ake ciki, Shugaban Hukumar Kula da Lafiya ta NAHCON na aikin Hajjin 2024 a kasar Saudiyya, Dakta Abubakar Ismail ya tabbatar da cewa Mahajjaciyar mace ‘yar jihar Borno ce.

Ya ce kungiyar likitocin ta kasa ta samu rahoto kan ci gaban da aka samu daga kungiyar likitocin jihar Borno inda ta ce matar ta kaucewa aikin tantance lafiyar da ya wajaba a Nijeriya.