Kungiyoyin da ke buga gasar firimiyar kasar Ingila sun amince a ci gaba amfani da VAR bayan kada kuri’a.

An kada kuri’a a wannan Alhamis din nan inda aka cimma matsaya a ci gaba da amfani da VAR din.

Kungiyar Wolves ce kadai ta zabi a daina amfani da VAR.

 Babbar kotun tarayya da ke Kano ta fara zaman sauraron karar da aka shigar a kan hukuncin da majalisar dokokin jihar Kano da gwamnatin jihar suka yanke na mayar da Kano zuwa masarauta guda daya da kuma cire dukkan sarakunan da gwamnatin baya ta kirkira.

 NDLEA sun kama mahajjata da hodar iblis a Legas 

Jami’an hukumar hana sha da fataucin miyagun kwayoyi NDLEA a Nijeriya sun kama mahajjata hudu masu niyya zuwa Saudiyya da hodar iblis a Legas.

Kakakin hukumar ta NDLEA Femi Babafemi ya bayyana hakan a wata sanarwa ranar Alhamis a Abuja. 

Babafemi ya ce jami’an NDLEA sun kai samame wani otal mallakin Emerald, Ladipo, Oshodi, jihar Legas, a ranar 5 ga watan Yuni inda suka cafke mahajjatan bayan samun bayyanan sirri.

 An kama mahajjatan Nijeriya hudu a Saudiyya

Mahajjatan dai sun fito ne daga babban birnin tarayya Abuja, inda aka kama su bisa laifin kin sanya katin shaidar su na NUSUK. Mahajjatan dai na a jirgi na 5,6,7 da na 8 a alhazan Abuja. An kama su ne a bakin masaukansu.

 Obasanjo ya shawarci gwamnoni su samar da Abinci don a samu saukin rayuwa

Tsohon shugaban Nijeriya Cif Olusegun Obasanjo ya shawarci gwamnonin jihohi da su mai da hankali kan samar da abinci tare da yin kira gare su da su ba da fifiko kan manufofin da suke inganta rayuwar mutane. 

Obasanjo ya ba bayyana hakan ne a ranar Laraba a Sokoto a wajen kaddamar da rukunin gidaje 136 da gwamnatin jihar Sokoto ta saya a kan kudi Naira biliyan 1.8. 

Tsohon shugaban kasar ya kasance a Sokoto a ziyarar kwanaki biyu don kaddamar da ayyukan da Gov. Ahmed Aliyu ya aiwatar yayin bikin cikarsa shekara daya kan mulkin jihar. 

 Tinubu ya shiga ganawa da kwamitin karin mafi karancin albashin 

Mambobin kwamitin da ke tattauna yadda za a fitar da sabon mafi karancin albashi a Nijeriya sun gana da shugaba Bola Tinubu a fadar shugaban kasa da ke Abuja. 

Taron na zuwa ne bayan dakatar da yajin aikin na tsawon kwanaki biyar da kungiyar kwadago ta Najeriya ta yi na Najeriya Labour Congress, (NLC) da kungiyar kwadago, (TUC) suka yi.

 Majiyar DCL Hausa ta ce kwamitin ya ziyarci shugaban na Nijeriya ne domin ya sanar da shi yadda kungiyoyin kwadago suka bukaci a yi musu kari akan N60,000 na tayin da gwamnati ta yi.

Daga cikin matsayar da aka samar har da karin da kungiyoyin kwadago suka nema na a biya ma’aikata sama da Naira Dubu Sittin a matsayin sabon mafi karancin albashi.

 Ana zargin sabuwar amarya da guntule al’aurar angonta a Kaduna

Wata sabuwar Amarya mai suna Habiba Ibrahim, ta guntule al’aurar angonta Salisu Idris, mai shekaru 40, yayin da yake barci.

Lamarin ya faru ne a karamar hukumar Kudan da ke jihar Kaduna tun a ranar 26 ga watan Mayu bayan ya dawo daga sallar asuba.

Rahotanni sun ce tuni ‘yan sanda suka kama ta. 

NLC da TUC sun janye yajin aiki a Nijeriya 

Kungiyoyin kwadago na NLC da TUC a Nijeriya sun sanar da janye yajin aikin da suka fara a ranar Litinin.

Shugaban kungiyar ta TUC Festus Osifo ya bayyana hakan ne a ranar Talata a Abuja bayan wani taron hadin gwiwa na majalisar zartarwa na kasa na hadin gwiwa na kungiyar.

Za a fitar da sanarwar nan ba da jimawa ba , in ji shugaban kwadagon.

A ranar Litinin ne kungiyoyin biyu suka tsunduma yajin aiki saboda korafe – korafensu kan karin kukldin wutar lantarki da kuma rashin cimma matsaya kan sabon mafi karancin albashi.

 Ma’aikatar kwadago a Nijeriya ta bukaci NLC su janye yajin aiki 

Ministar kwadago da samar da ayyukan yi a Nijeriya Nkeiruka Onyejeocha, ta yi kira ga kungiyoyin kwadago da su dakatar da yajin aikin da suke yi domin yana gurgunta harkokin tattalin arziki a fadin kasar

. 

Onyejeocha ta ce Gwamnatin Tarayya ba ita kadai ke da alhakin yanke hukunci kan kayyade nawa zai zama sabon mafi karancin albashi ba saboda ya zama dole a ji ta bakin gwamnatocin jihohi da kamfanoni masu zaman kansu.

A cewarta, har yanzu wasu gwamnatocin jihohin ba su iya biyan mafi karancin albashi na ₦30,000 da aka amince da shi a shekarar 2019 ba, ina ga sabuwar bukatar NLC na a mayar da mafi karancin albashin ya koma N494,000