Gwamnan jihar Edo, Godwin Obaseki, ya kara albashi mafi karanci ga ma’aikatan jihar daga N40,000 zuwa N70,000.

Gwamnan jihar Edo, Godwin Obaseki, ya kara albashi mafi karanci ga ma’aikata a jihar daga N40,000 zuwa N70,000.

Gwamnan ya bayyana hakan ne a wajen bikin kaddamar da sabuwar katafaren sakatariyar ma’aikata da aka gina na kungiyoyin kwadago a jihar, a kan titin Temboga, Ikpoba-Hill, a cikin birnin Benin.

Shugaban jam’iyyar APC na kasa Dakta Abdullahi Umar Ganduje ya yi zargin cewa gwamnatin jihar Kano ce ke daukar nauyin zanga-zangar da ake yi ta nuna sai ya yi murabus daga shugabancin jam’iyyar.

Shugaban jam’iyyar APC ta kasa, Dakta Abdullahi Ganduje, ya ce jam’iyyar  (NNPP) da ke jagorantar gwamnatin jihar Kano ce ke da hannu a zanga-zangar nuna adawa da shi a Abuja.

Sai dai gwamnatin jihar ta musanta cewa tana da hannu a rikicin.

An yi zanga-zangar neman a tsige Ganduje a matsayin shugaban jam’iyyar na kasa, inda kungiyoyi da jiga-jigan jam’iyyar daga yankin Arewa ta tsakiya ke kan gaba.

Ganduje a wata sanarwa da ya fitar ranar Juma’a ta hannun mataimakinsa na musamman kan kungiyoyin farar hula, Kwamared Okpokwu Ogenyi, ya yi zargin cewa gwamnatin jihar Kano na daukar nauyin masu zanga-zanga a tituna, galibi ‘yan Kwankwasiyya ne, wadanda wasu daga cikinsu sun fito ne daga yankin Arewa ta tsakiya. domin neman Ganduje yayi murabus.

Sanarwar ta kara da cewa, “Muna da sahihan bayanai cewa Gwamnatin kano na aiki tare da wasu daga shiyyar Arewa ta tsakiya tare da bayar da makudan kudade ga wasu mutane domin ci gaba da nuna rashin amincewa da shugabancin Ganduje wanda manufasu shine a tsige Ganduje a matsayin shugaban jam’iyyar APC na kasa.

Mutane da yawa sun makale yayin da gini ya ruguje a Kano.

Yanzu haka dai wasu ma’aikata da ba a tantance adadinsu ba sun makale a wani gini da ya rufta a unguwar Kuntau da ke karamar hukumar Gwale a jihar Kano.

Wata majiya ta bayyana cewa, akalla mutane 11 ne suka makale a karkashin baraguzan ginin.

Jami’an hukumar kiyaye haddura ta kasa (FRSC) sun garzaya da wasu mutane biyu da aka ceto zuwa asibiti.

A halin yanzu ana ci gaba da tono wasu gawarwaki da

Har yanzu ba a tantance adadin su  ba.

 Watanni 11 bayan cire tallafin man fetur ‘yan Nijeriya har yanzu na fuskantar karancin man fetur, tare da gama da dogayen layi.

Watanni 11 bayan da gwamnatin tarayya ta cire tallafin man fetur ‘yan Nijeriya na ci gaba da kokawa kan halin da ake ciki na karancin man fetur da dogayen layukan da ake samu a gidajen mai a fadin kasar.

Wannan dai na zuwa ne a daidai lokacin da ‘yan kasuwar man fetur suka yi ta zargin karancin man fetur da ake fama da shi a halin yanzu yayin da ake ci gaba da samun layukan man fetur a manyan biranen kasar nan duk da tabbacin da Kamfanin mai na Nijeriya (NNPCL) ya bayar na cewa ana samar da man a kai a kai.

Shugaba Bola Tinubu ya cire tallafin man fetur gaba daya a ranar 29 ga watan Mayun 2023 a lokacin rantsar da shi, kuma farashin man fetur ya yi tashin gwauron zabi a fadin kasar nan.

Wannan cire tallafin man fetur ya kamata ya bude kofar shigo da mai zuwa kamfanoni masu zaman kansu a matsayin wani bangare na tanadi a cikin dokar masana’antar mai ta 2021, don haka ya dauki nauyin shigo da mai daga NNPCL.

Sai dai kuma NNPCPL ya kwashe watanni da dama ya kuma zama shi kadai ke shigo da mai a Nijeriya, saboda kamfanonin mai masu zaman kansu ba sa iya samun kudaden kasashen waje don shigo da su daga kasashen waje.

A baya dai hukumar NNPCPL ta sanar da cewa ba ita kadai ce ke samar da albarkatun man fetur a kasar ba, amma lamarin ya sauya sakamakon karancin man fetir.

 Rundunar ‘yan sanda ta tabbatar da janye jami’an ta na hukumar yaki da cin hanci da rashawa ta Kano.

Rundunar ‘yan sandan jihar Kano,ta tabbatar da janye jami’anta daga hukumar sauraron korafe-korafen jama’a da yaki da cin hanci da rashawa ta jihar Kano (PCACC).

Rundunar ‘yan sandan a cikin wata sanarwa mai dauke da sa hannun mai magana da yawunta, Abdulahi Haruna Kiyawa, ta ce janyewar jami’an ta na da nufin gudanar da bincike kan ma’aikatan da nufin gano ainihin adadin jami’an ‘yan sandan da hukumar ta amince da su tare da gano irin ayyukan da kowane dan sanda ke yi tun lokacin da aka tura shi hukumar a shekarar 2015.

Hakan ya biyo bayan rahotannin da aka samu ta sashin amsa korafe-korafe na rundunar ‘yan sanda (CRU), inda ke nuna ‘yan sandan da ke da alaka da hukumar a matsayin masu rike da madafun iko tare da kaucewa aikin da ake sa ran na samar da gadi da sauran ayyuka a hukumar.

Jama’a su lura cewa, abin da ake ci gaba da yi na ma’aikata shi ne magance yawan korafe-korafe kamar yadda wasu kafafen yada labarai suka ruwaito.

Daukar matakin ya zama wajibi, domin a gyara kura-kurai da ke fitowa fili a cikin ayyukan Hukumar kamar yadda aka fara amfani da Jami’an ‘yan sanda da aka tura zuwa gadi da sauran ayyuka wajen kamawa da gudanar da bincike a kan kararraki wanda a fili ya saba wa nasu na asali. wajabcin da aka sanya kuma dole ne a gyara.

Matakin shine tabbatar da ingancin aikin na ƴan sanda ba tare da cin zarafi don wani ko wata a cikin al’umma ba.

 Jami’an tsaro a jihar Kebbi sun kama wasu bamabamai da ake ƙoƙarin shigo da su Najeriya sakaye a cikin buhuna da kwalaye.

Jami’an tsaron kan iyaka na Hukumar hana fasa kwauri ta Nijeriya Kwastam (NCS) dana hukumar shige da fice ta Nijeriya, Ma’aikatar Harkokin waje da sojojin Nijeriya karkashin jagorancin babban Sufeton Kwastam, A.A. Ibrahim, wanda yanzu mataimakin kwanturola na hukumar Kwastam da ke kan titin Yauri-Jega a jihar Kebbi ya kama kwali 40 da buhuna dauke da ake zargin bama-bamai ne.

Da yake zantawa da manema labarai a jiya a ofishinsa da ke Birnin Kebbi, babban birnin jihar Kebbi.

Kwanturolan hukumar kwastam na jihar, Iheanacho Ernest Ojike, ya ce bayan gwajin da jami’an hadin gwiwa suka gudanar, an gano kayayyakin da ake zargin dauke da kwalaye 40 da kuma buhuna guda 6,240 na bama-bamai waɗanda akai lodi a kan farar Canter/ babbar mota mai lamba Zur 882ZY tare da lambar babur Haejue JEG-562 UQ.

Kwanturolan ya ce an kama wasu mutane biyu da hukumar kwastam ta tsare su a Birnin Kebbi tare da mika kayayyakin da aka kama ga jami’an tsaro na jihar.

A wannan makon dai, Masara ta fi sauki a kasuwar Gombi da ke jihar Adamawa sama sauran kasuwannin Sassan kasar nan, inda ake sayar da buhun Masara N45-47,000, bayan da makon da ya gabata aka sayar akan kudi N55-57,000, an samu sauƙin N10,000 daidai a wannan makon.

 Masu ruwa da tsaki a APC na son Ganduje ya yi murabus

Wasu daga cikin masu ruwa da tsaki a jam’iyyar APC da suka fito daga shiyyar Arewa ta tsakiya sun rubutawa kwamitin ayyukan jam’iyyar na kasa (NWC) inda suka neman shugaban jam’iyyar na kasa, Dakta Abdullahi Umar Ganduje ya yi murabus.

Bayanin hakan na kunshe ne a cikin wata sanarwa da Mohammed Mahmud Saba ya sanya wa hannu a ranar Alhamis.

Inda tuni aka aika kwafin wasikar ga shugaban kasa Bola Ahmed Tinubu, mataimakin shugaban kasa Kashim Shettima da sakataren gwamnatin tarayya (SGF), Sanata George Akume.