Gwamnatin jahar Kano ta yi wa maniyyata aikin hajji na jahar rangwamen Naira biliyan 1.453 daga cikin sabon ƙãrin da Hukumar Jigilar Alhazzai ta Najeriya ta yi ga maniyyata aikin hajji na bana.

Da wannan ko Wana maniyyaci a Kano zai samu sauki na Naira 500,000 kenan daga cikin sama da Naira miliyan ɗaya da dubu ɗari tara da hukumar alhazan Najeriyar ta ƙãra a kan sama miliyan huɗu da suka riga suka biya.

Hukumar jigilar Alhazzai ta jahar Kano ta ce wannan rangwame ya shafi waɗanda suka biya kudin aikin hajji ta hannun ta ne kaɗai, kuma sun biya wani abu daga cikin kuɗin, wadda adadin su ya kai maniyyata 2,906 da sukayi rajista da hukumar dan aikin sauke faralin na bana.

Shugaban Hukumar Mahajjatan ta jahar Kano Alhaji Lami Ɗan Baffa a wani taron manema labarai ya ce sunyi wannan ihsani bisa la’akari da yanayin yau, saidai ya ce duk maniyyaci da ke da bukatar zuwa aikin hajjin na bana toh wajibi ya cika sauran Naira miliyan 1.918,032.91 kafin ƙarfe 11:59 na ranar 28 ga watannan na Maris da muke ciki.

Karin kuɗin na aikin hajjin bana ya zo wa wasu maniyyata bagtatan, abin da ya tilasta wa wasun su karɓar kuɗaɗen su da suka bayar tun farko, suka haƙura da zuwa kasa mai tsarki dan sauke faralin saboda babu yadda zasu iya cika wannan ƙãri da aka yi kuma ake buƙatar a biya cikin ƙanƙanin lokaci

.

Bashin da ake bin Nijeriya ya doshi Naira Tiriliyan 100 – NBS

Adadin bashin Nijeriya ya karu daga Naira tiriliyan 87.91 (dala biliyan 114.35) a sulusin shekarar 2023 zuwa Naira tiriliyan 97.34 (dala biliyan 108.23) a rubu’in shekarar 2023.

Hukumar Kididdiga ta Kasa (NBS) ta bayyana hakan a ranar Talata a cikin rahotonta da ta fitar.

Rahoton ya ce, basussukan da ake bin Nijeriya sun hada da bashin waje da na cikin gida, inda ya karu da kashi 10.73 bisa 100.

 MTN za su yi karin farashin kudin kira da na data a Nijeriya

MTN za su yi karin farashin kudin kira da na data a Nijeriya 

Kamfanin sadarwa na MTN a Nijeriya ya fara wani yunkuri na karin farashin kudin kira da na sayen data ga kwastomominsa a Nijeriya. 

Matakin na zai faru ne sakamakon yadda Kamfanin ya sanar da cewa kudaden da ake tatsar show haraji da faduwar darajar Naira ne za su sanya ya dauke shi.

A wata kididdiga da Kamfanin ya yi ya sanar da cewa sun tafka mummunar asara sakamakon harajin Naira bilyan 137bn da suka biya.

 Gwamna Dauda Lawal ya yi kira da a ƙara yawan sojoji zuwa jihar Zamfara.

A ranar litinin ne gwamnan ya ziyarci babban hafsan tsaron ƙasa, Janar Christopher Gwabin Musa, a hedikwatar tsaro da ke Abuja.

A cikin wata sanarwa da mai magana da yawun Gwamnan, Sulaiman Bala Idris, ya fitar, ta bayyana cewa gwamnan ya gana da hafsan tsaro domin tattauna matsalar tsaro data addabi  jihar Zamfara.

Gwamna Lawal ya bayyana damuwarsa bisa yadda ‘yan bindiga suka addabi jihar,ya kuma yi kira ga babban hafsan hafsoshin tsaron kasar da ya tura ƙarin jami’an soji da kayan aiki na zamani da suka dace a jihar.

Gwamnan ya bayyana cewa jihar tana fama da karancin jami’an tsaro ga kuma matsalar ‘yan bindinga masu garkuwa da mutane domin biyan kudin fansa,hakan yasa manoma ba sa iya noma gonakinsu, ga hare-haren da ake ci gaba da kaiwa na janyo asarar rayuka da dama.

Inda yace bisa wannan dalilai al’umma na shan wahala,domin kusan koyaushe ‘yan bindinga na kokarin kai hare hare a yankuna dadama,hakan yasa muke fatan cewa za’a duba koken mu domin samun zaman lafiya mai dorewa a jihar.

 Wasu daga cikin maniyyata a Nijeriya sun bukaci da amayar musu da kudaden su da suka biya.

Biyo bayan matakin da hukumar alhazai ta kasa NAHCON ta dauka na kara  kudin aikin hajjin shekarar 2024 da naira miliyan 1.9, da dama daga cikin mahajjatan j sun bukaci hukumar jin dadin alhazai ta jihar da ta mayar musu da kudaden da suka ajiye.

Wannan dai na zuwane a daidai lokacin da  kungiyoyin fararen hula da masu ruwa da tsaki a Nijeriya, suka yi kira ga shugaban kasa Bola Ahmed Tinubu da ya dubi halinda maniyyata hajji bana ke ciki don samun mafita.

A ranar Lahadin da ta gabata ne NAHCON ta kara kudin aikin hajjin bana zuwa kasar Saudiyya da N1, 918,032.91 yayin da ta tsayar da ranar 28 ga Maris, 2024 a matsayin ranar da za’a kammala biyan wannan kudi.

 A watan Disambar shekarar 2023 ta kayyade farashin hajjin bana da Naira miliyan 4.9 bisa tashin farashin canji.

Sai dai a ranar Lahadin da ta gabata, hukumar ta bukaci wadanda suka biya kudin farko da su kara Naira miliyan 1.9, inda adadin ya kai Naira miliyan 6.8.

Wannan yasa wasu daga cikin maniyyatan suka bukaci Hukumar Kula da aikin hajji ta jihohi da su mayar musu da kudaden da suka biya a baya.

 Babbar kotun jahar Kano, ta yanke wa FrankGeng Quarong hukuncin kisa ta Hanyar rataya har sai ya mutu.

Tun a ranar 16  ga watan satumba 2022,  Frank Geng, ya hallaka ummita a Unguwar janbulo dake Kano.

Mai Shari’a Sunusi Ado Ma’aji yanke masa hukuncin ne bayan tabbatar da hujjojin da Masu gabatar da Kara suka yi agaban kotun.

 Gwamnatin tarayya ta tallafama jihar Kano da tireloli na hatsi domin rabawa ga mabukata a wannan wata na Ramadana.

Tallafin ya kunshi tireloli na shinkafa 100, tirelolin dawa 44, da kuma tirela na masara guda hud

u.