.jpeg)
Ba haka ake zawarcin shiga jam’iyya ba, Gwamna Abba ya yi wa Ganduje martani
Gwamnan jihar Kano Abba Kabir Yusuf ya ce ba shi da niyyar ficewa daga jam’iyyar sa ta (NNPP) da ya ci zabe a karkashinta.
Gwamna Abba ya bayyana hakan ne kwana daya bayan da shugaban jam’iyyar APC Dr. Abdullahi Umar Ganduje ya bashi goron gayyatar komawa jam’iyyar APC.
Gwamna Abba Kabir, wanda kotun koli ta tabbatar da shi a matsayin Gwamnan jihar Kano a ranar Juma’a 12 ga watan Janairu shi ne kadai gwamna a jam’iyyar NNPP a Nijeriya.
A yayin taron masu ruwa da tsaki na jam’iyyar APC da ya gudana a Kano, Ganduje ya yi kira ga Gwamna Abba Kabir tare da mambobinsa da magoya bayansa na jam’iyyar NNPP da su sauya sheka zuwa jam’iyyar APC mai mulki a matakin kasa domin tabbatar da ci gaban siyasar jihar Kano.
Tinubu na rokon Super Eagles da su doke Kamaru a gasar AFCON
Shugaban Nijeriya Bola Ahmed Tinubu ya roki ‘yan wasan Super Eagles da su yi duk mai yiwuwa don ganin sun samu nasara a yayin da Najeriya zasu fafata da babbar abokiyar hamayyarta, Kamaru a gobe, domin buga wasan dab da na kusa da na karshe a gasar cin kofin nahiyar Afirka da ake yi a Cote d’Ivoire. .
An isar da sakon shugaban kasar ga tawagar ta hannun ministan raya wasanni, Sanata John Owan Enoh, inda ya bukaci Super Eagles da su jajirce wajen tunkarar abokan karawarsu a wasan zagaye na 16 mai mahimmanci na gobe asabar.
Kamar yadda wata sanarwa mai dauke da sa hannun mataimakiya ta musamman ga sanata Enoh, Diana-Mary Tiku Nsan, ta bayyana cewa ‘yan Super Eagles sun sanar da cewa shugaban kasar na bin kungiyar ne domin yayi duk abinda ya dace a kansu, don haka dole ne su rubanya kokarinsu domin ‘yan Nijeriya da suke gida su samu Farin ciki da wannan wasa .
Tsohon mataimakin shugaban kasa, Atiku Abubakar ya caccaki gwamnatin tarayya kan bashin gaggawa na dala biliyan 3.3 na biyan danyen man fetur, Inda yabayyana cewa yan Nijeriya na bin gwamnati bayani akan batun bashin.
Atiku ya bayyana hakanne a wata sanarwa da aka rabawa manema labarai a abuja inda yake cewa kamata yayi gwamnati ta dunga fito da bayanai da al’ummar kasa zasu fahimta bawai tayi shiru ba.
Gwamnatin tarayya dai tun a shekarar da ta gabata, 16 ga watan Agusta, 2023, ta samu lamuni ta hannun kamfanin man fetur na kasa (NNPCL) domin bayadda bashin dala biliyan 3.3.
Wani dan sanda da ke aiki karkashin rundunar yan sanda ta jihar Kaduna ya
ki karbar cin hancin Naira miliyan 1 da wani kwararren mai garkuwa da mutane ya
bashi.
Bayanai sun ce yan sanda sun yiwa dan
garkuwa da mutanen kofar rago ne a wani Otal mai suna Tafa, kuma nan take yayi wa
dan sandan tayin naira miliyan 1 cikin kudin fansar da ya karba, sai dai dan
sandan ya ki karba.
Ko da yake jawabi mai magana da yawun rundunar yan sandan jihar ASP Mansir
Hassan ya ce sun sami bayanan sirri ranar 19 ga watan da muke ciki na Agusta
cewa dan garkuwa da mutanen ya sauka a wannan Otal din nan take kuma suka aike
da jami’an su inda suka kama shi.
ASP Mansir ya ce an yi nasarar kwato sama
da naira miliyan 2 da dubu 350 a hannun mai garkuwa da mutanen da aka bayyana
sunan sa da Bello Muhammad mai shekaru 28 dan asalin jihar Zamfara.
Rahoton binciken farko-farko na yan sanda
ya nuna yadda dan bindigar ya shaida musu cewa yana cikin ‘yan ta’adda da ke
addabar yankin dajin Kagarko na jihar Kaduna.
Gwamnatin Kebbi ta sallami wasu dagatai guda uku da ke karkashin
masarautar Gwandu daga kan mukaman su, a sakamakon kama su da laifin cin amanar
gwamnati, barin guraren aikinsu ba tare da izini ba, wasa da aiki da kuma cin
hanci da karbar rashawa.
Da yake sanar da sallamar dagatan guda uku shugaban
hukumar kula da kananan hukumomi ta jihar Alhaji Masur Shehu ya ce kokar ta su
na karkashin dokokin kula da da’ar ma’aikata ta jihar.
Dagatan da aka kora sun hadar da Alhaji Lawal Yakubu,
Mai Arewan Yeldu da Malam Ahmed Sani Sarkin Gabas din Geza da kuma Alhaji Tukur
Aliyu Jagwadejin Bakuwe.
Shehu ya ce hukumar ta jima tana bibiyar ayyukan dagatan kuma ta
tattara gamsassun hujojjin da suka tabbatar da cewa kora ce kadai hukuncin su.
Ya kuma ce kafin daukar wannan mataki
sai da gwamnati ta tuntubi majalisar masu rike da sarautar gargajiya, kuma suka
bada wannan shawara.
© DCL Hausa