Gwamnan Jihar Rivers, Siminalayi Fubara, ya bayyana cewa zai jagoranci kokarin tabbatar da nasarar Shugaba Bola Tinubu a zaben 2027, yana mai cewa hadin kai tsakanin jihar da gwamnatin tarayya zai kara wa Rivers ci-gaba.

Fubara, wanda ya yi wannan jawabi yayin kaddamar da hanyar Egbeda–Omerelu mai tsawon 12km, ya ce zai yi duk abin da ya dace domin tabbatar da zaman lafiya a jihar, saboda ci-gaba ba ya zuwa idan rikici ya yi yawa.

Ya jaddada cewa gwamnatin sa za ta yi aiki tare da dukkan kungiyoyin goyon bayan Tinubu domin ganin an samu nasara a 2027.

A gefe guda, wata kungiya a APC ta kare ficewar Fubara daga PDP, tana cewa matakin ba kuskure ba ne, illa martani ga rikice-rikicen cikin gida da suka addabi PDP.

Hukumar da ke yaki da masu yi wa tattalin arzikin kasa tu’annati a Nijeriya EFCC za ta gurfanar da tsohon Ministan Kwadago, Chris Ngige, a kotun babban birnin tarayya da ke Gwarinpa, kan zargin almundahana da cin hancin da ya kai N2.26bn.

Ngige na fuskantar tuhume-tuhume guda takwas, ciki har da amfani da mukami wajen fifita kamfanonin abokansa yayin da yake kula da NSITF daga 2015 zuwa 2023.

EFCC ta ce ya ba wa kamfanonin Cezimo Nigeria Ltd, Zitacom Nigeria Ltd, Jeff & Xris Ltd, da Olde English Ltd kwangiloli na biliyoyin Naira ba bisa ka’ida ba.

Rahoton na jaridar Punch haka nan ya ce ana zarginsa da karɓar gudummawar kuɗi daga wasu kamfanonin kwangila a 2022, ciki har da N38.6m, N55m da N26.1m ta hanyar wasu shirye-shiryensa.

Kazalika an ruwaito cewa ana sa ran Ngige zai gurfana a kotu domin karanto masa kunshin tuhumar da ke kansa.

Rahotanni daga gidan Talabijin na TVC a Nijeriya su ruwaito cewa jami’an tsaro dauke da makamai ne suka tsohon gwamnan Jihar Anambra, Sanata Chris Ngige a gidansa da ke Abuja.

Kodayake ba’a a bayyana dalilin kama shi ba, kuma hukumar da ta EFCC da ke yaki da rashawa a Nijeriya haryanzu ba ta yi karin haske ba game da kamun nasa.

Sai dai majiyoyi sun ce lamarin ya biyo bayan harin da aka kai wa motarsa a Anambra kwanaki kadan da suka wuce.

Yayin da masu ruwa da tsaki ke cewa suna kan binciken musabbabin kamun na sa,.

Gwamnatin jihar Katsina ta ce ta haramta yawan rufe lambar mota ba bisa ka’ida ba, lamarin da ta ce barazana ce ga tsaron jihar. Gwamnatin ta ce ana kara yawaita rufe lambar a kan motocin manyan jami’a da wasu mutane, abin da ka iya bai wa miyagu damar aikata laifi cikin sauƙi.

A kan haka ne Gwamna Dikko Umaru Radda ya umurci Kwamishinan ‘Yan Sanda na jihar Katsina tare da sauran hukumomin kula da zirga-zirga su ɗauki mataki domin magance lamarin da kuma tabbatar da tsaron al’umma.

A cikin wata sanarwa da Sakataren Gwamnati na Jiha, Abdullahi Garba Faskari, ya sanya wa hannu, gwamnatin ta shawarci jama’a su daina wannan dabi’a domin kauce wa kamawa da gurfanar da su gaban kotu.

Sarkin Kano na 16, Muhammadu Sanusi, ya soki yadda shugabancin siyasa a Najeriya, ke rikidewa daga hanyar ci gaba zuwa mallakar dukjya ta hanyar yaki halal yaki haram.

Sanusi ya bayyana haka ne yayin bikin cika shekaru 15 na Enough is Enough (EiE) Nigeria a Lagos, inda ya ce rashin cigaba yana faruwa ne saboda shugabanni na fifita kansu da masoyansu fiye da bukatun al’umma.

Tsohon gwamnan Bankin Najeriya (CBN) ya yi kira ga matasa su kalubalanci tsarin da ke kawo rikici na kabilanci, addini, da son kai, su hada kai wajen gina Najeriya mai manufa.

Jaridar Daily Trust ta ambato shi ya na jaddada cewa kasar mallakar kowa ce, ba gwamnati ba, kuma kowa na da hakkin bayar da gudummawarsa wajen ci gaban ta wajen ginuwarta.