Kotu a Amurka ta umurci FBI da hukumar yaki da muggan kwayoyi da ta saki bayanan bincike kan Shugaba Tinubu

Bola Ahmad Timubu

 Wata kotu a Amurka ta umurci manyan jami’an tsaron kasar da su fitar da bayanan sirri da aka samu kan Shugaba Bola Tinubu a lokacin wani binciken da gwamnatin ta yi a shekarun 1990.

Alkalin kotun, Beryl Howell, ya ba da umarnin ne, yana mai cewa rufe bayanan ba’a bayyana wa jama’a ba, ba abu ne mai ma’ana ba.

Ba’amurke, Aaron Greenspan ne, ya shigar da kara a watan Yunin 2023 a karkashin dokar ‘yancin fitar da bayanai (FOIA) ofishin zartarwa na lauyoyin Amurka, ma’aikatar bincike ta (FBI),hukumar kula da magunguna (DEA), da hukumar leken asiri ta (CIA).

A cikin korafin nasa, Greenspan ya zargi hukumomin tsaro da karya dokar FOIA ta hanyar gaza fitar da bayanan cikin lokacin da aka kayyade, takardun da suka shafi binciken kan Shugaba Tinubu da wani Abiodun Agbele.