Matatar mai ta Dangote ta sanar da rage farashin man fetur daga Naira 880 zuwa Naira 840 kan kowace lita.
Mai magana da yawun rukunin kamfanin Dangote Anthony Chiejina, ya tabbatar da cewa sabon farashin ya fara aiki daga 30 ga watan Yuni 2025.
Rage farashin na zuwa ne makonni kadan bayan da matatar ta kara farashin man fetur saboda hauhawar farashin danyen mai a duniya sakamakon rikicin Gabas ta Tsakiya.
