DCL Hausa Radio
f DCL HAUSA FACEBOOK
Friday, April 17, 2026
Home Blog Page 123

Sojojin da ake tsare da su bisa zargin juyin mulki a Nijeriya sun kai 42 a wani binciken jaridar Daily Trust

Sadeeq Muhammad Fagge
-
0
Sojojin da ake tsare da su bisa zargin juyin mulki a Nijeriya sun kai 42 a wani binciken jaridar Daily Trust

Yawan sojojin da ake tsare da su bisa zargin yunƙurin juyin mulki ya ƙaru zuwa 42, kamar yadda majiyoyi daga cikin rundunar sojin suka tabbatar wa jaridar Daily Trust.

Majiyoyin sun shaida wa jaridar Daily Trust cewa, har yanzu ana ci gaba da gano yadda kowannensu ya taka rawa da yadda shirin ya faro.

Majiyar ta kara da cewa hukumar leken asiri ta sojoji DIA da na ci gaba da bin diddigin lamarin,yayin adadin wadanda ake zargi ya karu daga 16, zuwa 42.

Sai dai mai bai wa shugaba Tinubu shawara kan harkokin yaɗa labarai, Sunday Dare, ya ce fadar shugaban kasa na tare da matsayar rundunar tsaron kan wannan batu.

Barayin daji sun yi ajalin Dagacin kauye a jihar Sokoto

Sadeeq Muhammad Fagge
-
0
Barayin daji sun yi ajalin Dagacin kauye a jihar Sokoto

‘Yan bindiga sun kai mummunan hari a kauyen Kurawa, karamar hukumar Sabon Birni da ke jihar Sokoto, inda suka halaka mutane uku ciki har da dagacin kauyen.

Jaridar Daily Trust ta rawaito cewa lamarin ya faru ne da misalin ƙarfe 12 na dare, inda maharan suka kai farmaki bayan sun rushe katangar da mutane suka yi a matsayin kariya daga hare-hare.

Wani mazaunin yankin ya shaida cewa sun samu bayani daga wani kauye a makwabta cewa ‘yan bindiga na kan hanyarsu zuwa Kurawa, inda suka hanzarta sanar da hukumomin tsaro.

Duk da haka, bayan da ‘yan bindigar sun shiga kauyen, suka fara harbe-harbe na kusan mintuna 30, inda jami’an tsaro da vigilante suka yi ƙoƙarin fatattakar su.

Sai dai duk da hakan, dagacin garin, Hussaini Alhaji Yawalle, da wasu mutum biyu sun mutu a harin.

Majalisar Dattawa ta tabbatar da Bernard Doro a matsayin Minista

Sadeeq Muhammad Fagge
-
0

Majalisar Dattawan Nijeriya ta tabbatar da Bernard Doro a matsayin sabon minista, bayan tattaunawa da shi da ta ɗauki kusan mintuna 30.

Gidan talabijin na Channels ya rawaito cewa Doro, shi ne mutum na uku da aka naɗa daga Jihar Filato, ya yi alkawarin yin aiki cikin tsari, gaskiya da jinkai.

Majalisar ta nuna gamsuwa da ƙwarewar aikin sa, sannan ta bukace shi da ya yi aiki domin al’umma.

Sulhu da ‘yan bindiga ba tare da an karbe makamansu ba, hatsari ne mai girma – Gwamna Dauda

Sadeeq Muhammad Fagge
-
0
Sulhu da ‘yan bindiga ba tare da an karbe makamansu ba, hatsari ne mai girma – Gwamna Dauda

Gwamnan jihar Zamfara, Dauda Lawal, ya gargadi gwamnoni da hukumomin tsaro da su guji sulhu da ‘yan ta’adda da ba tare da an karɓe makamansu ba.

A cikin wata sanarwa da mai magana da yawun gwamnan Sulaiman idris ya fitar Gwamnan ya bayyana hakan ne a yayin wani jawabi da ya gabatar a cibiyar nazarin tsaro ta kasa NISS da ke Abuja a ranar Laraba.

Gwamnan ya ce, yaki da ‘yan bindiga a Zamfara ya samo asali ne daga matsalolin tattalin arziki, rashin aikin yi, rikice-rikice da yaduwar makamai daga kasashen makwabta.

Gwamna Lawal ya jaddada cewa tatttaunawa da ‘yan ta’adda ba tare da an kwace makamansu ba ba dai-dai bane,zaman lafiya yana samuwa ne idan aka yi afuwa tare da karɓe makamansu,domin idan aka barsu da bindigu rikici ba zai kare ba.

Daukacin ‘yan majalisar wakilan jihar Enugu sun koma APC

Sadeeq Muhammad Fagge
-
0
Daukacin ‘yan majalisar wakilan jihar Enugu sun koma APC

Shugaban majalisar wakilan Nijeriya Tajudeen Abbas, ne ya sanar da hakan a zaman majalisar da aka yi a Alhamis dinnan, inda ya karanta wasikun sauyin shekar da ‘yan majalisar suka aika masa,wanda Gwamnan Enugu, Barista Peter Mbah, ya halarci zaman.

‘Yan majalisar da suka sauya sheƙa sun ce sun bar jam’iyyunsu ne saboda rikice-rikicen cikin gida da ke addabar jam’iyyun adawa.

Bayan zaɓen 2023, jam’iyyar Labour ce ta lashe kujeru bakwai cikin takwas na jihar Enugu, yayin da PDP ta samu kujera ɗaya.

Muna so a ba mu damar kafa karin kananan hukumomi – Gwamnatin Bauchi

Sadeeq Muhammad Fagge
-
0
Muna so a ba mu damar kafa karin kananan hukumomi – Gwamnatin Bauchi

Gwamnatin jihar Bauchi ta mika bukatar neman a bata damar kirkirar sabbin kananan hukumomi 29 a jihar.

Jaridar Daily Trust ta rawaito cewa mataimakin magatakardar Majalisar Dokokin jihar Bauchi, Musa Yerima, ne ya aika da bukatar neman sahalewar kwamitin gyaran kundin tsarin mulki na kasa domin amincewa.

A halin yanzu, Bauchi na da kananan hukumomi 20 da kundin tsarin mulki na 1999 ya amince da su,idan aka ƙara waɗannan sabbin guda 29 da ake nema, yawan kananan hukumomin jihar zai kai 49,wadda ke da kusan al’umma miliyan 10.

A cikin wasikar da Yerima ya aika wa shugaban kwamitin Majalisar Dattawa kan gyaran kundin tsarin mulki, Sanata Barau Jibrin, ya bayyana cewa suna neman sabbin kananan hukumomin ne bisa tanadin Sashe na 100, sakin layi na 3 na kundin tsarin mulki, kuma ana neman sahalewar Majalisun kasar ta amince da su bisa Sashe na 8(5).

Tinubu ya amince da sabon harajin 15% ga masu shigo da fetur da dizal a Nijeriya

Sadeeq Muhammad Fagge
-
0
Tinubu ya amince da sabon harajin 15% ga masu shigo da fetur da dizal a Nijeriya

Wannan umurni na Tinubu ya fito ne a cikin wata wasika da aka aika wa hukumar tattara haraji ta kasa FIRS da hukumar kula da albarkatun man fetur ta NMDPRA, wadda mai taimaka masa na musamman, Damilotun Aderemi, ya sanya wa hannu a ranar 21 ga Oktoba 2025.

Shugaban FIRS, Zacch Adedeji, ne ya gabatar da wannan shawarwarin ga shugaban ƙasa, inda ya bayyana cewa harajin zai taimaka wajen karfafa masana’antun tace mai, tabbatar da daidaiton farashin mai, da kuma kare darajar Naira a kasuwar mai.

Adedeji ya bayyana cewa rashin daidaito tsakanin farashin man da ake tacewa a gida da wanda ake shigowa da shi daga waje yana janyo tashin farashi a kasuwa.

Gwamnatin Tanzaniya ta umurci ma’aikata su yi aiki daga gida, bayan rikicin zabe

Sadeeq Muhammad Fagge
-
0
Gwamnatin Tanzaniya ta umurci ma’aikata su yi aiki daga gida, bayan rikicin zabe

Gwamnatin kasar Tanzaniya ta umurci dukkan ma’aikatan gwamnati su ci gaba da yin aiki daga gida, yayin da ta kuma shawarci masu aikin kamfanoni masu zaman kansu su ba ma’aikatansu dama su yi aiki daga gida.

DW Africa ta rawaito cewa, a wani sako da sakataren ma’aikatar yada labarai ta Tanzaniya, ya wallafa a shafinsa na Instagram, inda ya nemi ‘yan kasar su gudanar da harkokinsu daga gida saboda halin da ake ciki.

Wannan umarni ya zo ne bayan da gwamnati ta kakaba dokar hana fita da a Dar es Salaam sakamakon tashin hankali da ya biyo bayan rikicin zaɓe da ya barke a ranar Laraba.

Rahotanni sun bayyana cewa an dauki wannan mataki ne domin tabbatar da tsaro da kare rayuka da dukiyoyin jama’a yayin da hukumomi ke kokarin dawo da zaman lafiya a babban birnin ƙasar.

Za a kawar da talauci a Nijeriya kafin shekarar 2030 – Gwamnatin Nijeriya

Sadeeq Muhammad Fagge
-
0

Gwamnatin Nijeriya tare da kungiyar ActionAid Nigeria, sun bayyana aniyarsu ta kawar da talauci a Nijeriya kafin shekarar 2030 ta hanyar aiwatar da tsare-tsare waɗanda za su ƙarfafa wa mutane da ba da dama ga masu aiki tukuru.

Daraktan kungiyar ActionAid Nigeria, Andrew Mamedu, ya ce kawar da talauci zai yiwu ne idan gwamnati da ‘yan ƙasa suka haɗa kai tare da bin hanyoyi masu kyau da fadada Tunani.

Ya nuna damuwa kan yadda kasafin kuɗin Nijeriya ya ƙaru daga Naira biliyan 300 a 1999 zuwa Naira tiriliyan 54.5 a 2024, amma talauci bai ragu yadda ake tsammani ba.

A cewarsa Nijeriya tana asarar kusan dala biliyan 18 a kowace shekara saboda kashe kudi ba bisa ka’ida ba.

Ya yi kira ga gwamnati ta koyi darasi daga ƙasashen China da India waɗanda suka fitar da miliyoyin mutane daga talauci ta hanyar saka jari a fannonin ilimi, lafiya, samar da ababen more rayuwa, da karawa marasa galihu karfi.

Za mu hada kai wajen magance matsalar tsaron da ta addabi Nijeriya – sabbin hafsonshin tsaron Nijeriya

Sadeeq Muhammad Fagge
-
0
Za mu hada kai wajen magance matsalar tsaron da ta addabi Nijeriya – sabbin hafsonshin tsaron Nijeriya

Sabbin hafsoshin tsaron Nijeriya sun ce za su yi aiki tare domin magance dukkan barazanar tsaro a faɗin kasar, tare da kare martabar ƙasar a kowane fanni.

Jaridar Daily Trust, ta rawaito cewa Majalisar Dattawa ta tabbatar da nadin sabbin hafsoshin da shugaban Tinubu ya tura dasu don amincewa a ranar Laraba.

Babban hafsan hafsoshin tsaron Nijeriya Janar Oluyede, ya bayyana cewa akwai buƙatar Nijeriya ta kafa masana’antar samar da makamai a cikin gida domin rage dogaro da na kasashen waje.

A cewarsa siyan kayan yaki daga kasashen waje akwai tsada sossai, don haka ya kamata a fara kerasu a gida Nijeriya.

Kazalika ya nemi a sake fasalin rundunar ‘yan sanda don rage nauyin da ake dora wa sojoji wajen gudanar da ayyukan da bai kamata su yi ba.

1...122123124...517Page 123 of 517

FOLLOW US

© DCL Hausa | Developed By KBE Developers