Sojojin Nijeriya sun sanar da fara taron tantance yara da ‘yan uwan sojoji da suka rasu, a cikin wani shiri na bayar da tallafin ilimi na shekarar 2026.

A wata sanarwar rundunar sojin ta wallafa a shafin ta na X ranar Alhamis, an bayyana cewa tantancewar za ta gudana a dukkanin yankuna shida na Nijeriya tsakanin Fabrairu da Maris 2026.

Sanarwar ta bayyana cewa, shirin tallafin ilimi na daga cikin tsare-tsaren jin kai na Sojojin Nijeriya da nufin tabbatar da cewa yaran ma’aikatan da suka rasu suna samun ilimi a matakai na Firamare, Sakandare da Jami’a.

Hukumar ICPC mai yaki da cin hanci da rashawa a Nijeriya ta bayyana cewa tana tsare da tsohon gwamnan jihar Kaduna, Nasiru El-Rufai.

Hukumar ta ce El-Rufai yana hannunta har bayan an tashi aiki na ranar Laraba, 18 ga Fabrairu, 2026.

A wata sanarwa da kakakin hukumar, J. Okor Odey, ya fitar, ICPC ta ce ana rike da shi ne dangane da bincike da take gudanarwa.

Kungiyar Hausawa mazauna Jihar Rivers ta bayyana cewa mambobinta hudu sun hadu da ajalinsu a yayin zanga-zangar da ta gudana a karshen makon da ya gabata, wadda aka ce ta shafi ‘yan Arewa a Kasuwar Oil Mill da ke yankin Rumuokwurusi a Port Harcourt.

Shugaban Kungiyar Hausawan Jihar Rivers, Alhaji Musa Saidu, ne ya bayyana hakan a ranar Talata lokacin da ya jagoranci wasu shugabannin Arewa zuwa kasuwar domin duba halin da ake ciki, kamar yadda jaridar Daily Trust ta rawaito.

Ya kuma ce an wawashe tare da lalata shaguna da dama mallakin ‘yan kasuwar Arewa a lokacin tashin hankalin

Dan wasan gaba na Real Madrid, Vinícius Júnior, ya mayar da martani kan cin zarafin wariyar launin fata da ake zargin an yi masa a wasan gasar zakarun nahiyar Turai tsakanin Benfica da Real Madrid.

Rahotanni sun ce Vinícius ya kai korafi ga alkalin wasa, François Letexier, kan kalaman wariya da aka yi masa daga wasu magoya baya.

Bayan haka, ‘yan wasan Real Madrid sun fice daga filin wasan domin nuna adawa da abin da ya faru, daga bisani, an dakatar da wasan na tsawon mintuna 10 kafin a ci gaba da buga shi.

An ce yunƙurin janye ƙudurin ya janyo cece kuce a yayin zaman majalisar na ranar Talata.

Jaridar Premium Times ta rawaito cewa hayaniyar ta fara ne lokacin da shugaban kwamitin harkokin majalisa, Francis Waive, ya gabatar da buƙatar a janye amincewar da aka yi wa kudurin.

Ya ce an yi hakan ne domin a sake duba dokar don dacewa da sabbin gyare gyaren tsarin gudanar da zaɓe.

Francis Waive ya roƙi ‘yan majalisa sun janye wancan amincewa domin a mayar da kudurin gaban kwamitin don sake yin nazari akai.